Jafo atangaza utaratibu wa wahitimu wa Kidato cha Nne mwaka 2020 kubadilisha Tahasusi (Combination) za Kidato cha Tano na Kozi za Vyuo vya Elimu ya Ufundi


Waziri wa Nchi Ofisi ya Rais-Tawala za Mikoa na Serikali za Mitaa (OR-TAMISEMI), Suleiman Jafo ametangaza utaratibu wa wahitimu wa Kidato cha Nne mwaka 2020 kubadilisha Tahasusi (Combination) za Kidato cha Tano na Kozi za Vyuo vya Elimu ya Ufundi kwa njia ya mtandao kwenye mfumo wa Kieletroniki wa uchaguzi wa Kidato cha Tano na vyuo mwaka 2021, anaripoti Mwandishi DIRAMAKINI.

Amesema, wanafunzi wanaotaka kufanya mabadiliko wanatakiwa kuingia kwenye mfumo wa uchaguzi wa wanafunzi unaopatikana katika anuani ya selform.tamisemi.go.tz.

Waziri Jafo amesema, zoezi hilo litafanyika kuanzia tarehe leo Machi 29, 2021 hadi tarehe 11 Aprili 2021 saa sita usiku.

Post a Comment

0 Comments