MHESHIMIWA OTHMAN MASOUD AMPA MKONO WA POLE DKT.SHEIN

NA MWANDISHI MAALUM

MAKAMU wa Kwanza wa Rais wa Zanzibar, Mhe. Othman Masoud Othman, leo Januari 23, amefika na kutoa mkono wa pole kwa familia ya Mkurugezi mstaafu wa Mamlaka ya Uendelezaji na Ukuzaji Vitega Uchumi Zanzibar (ZIPA), marehemu Salum Khamis Nassor aliyefariki dunia juzi Kigamboni jijini Dar es Salaam.
Marehemu Salum aliyeugua kwa muda mrefu alishika nafasi ya Ukurugenzi wa ZIPA kwa miaka kadhaa na amezikwa siku ya jana huko Jumbi Wilaya Kati Mkoa wa Kusini Unguja.

Marehemu Salum amefariki akiwa na umri wa miaka 61, na ameacha kizuka mmoja na watoto.
Akiwa nyumbani kwa marehemu Salum, huko Chukwani nje kidogo ya jiji la Zanzibar, Mhe. Othman alikutana na kutoa mkono wa pole kwa Rais Mstaafu wa Zanzibar Mhe. Dkt. Ali Mohammed Shein ambaye naye pia ni miongoni mwa wa wanafamilia hiyo.
Mungu ailaze Roho ya Marehemu mahali pema Peponi Amin!

Diramakini

DIRAMAKINI is Tanzanian news media house established to play role in shaping the global agenda through telling true stories by delivering quick and in-depth.Our readers trust our coverage of the issues that matter most to them. Our agenda-setting journalism attracts. Contact us on diramakini@gmail.com OR +255 719 254 464.

Post a Comment

Previous Post Next Post

International news