LEO Juni 5, 2023 Waziri Mkuu wa Jamhuri ya Muungano wa Tanzania, Mheshimiwa Kassim Majaliwa ndiye mgeni rasmi katika maadhimisho ya miaka mitano ya Ofisi ya Wakili Mkuu wa Serikali tangu ilipoanzishwa Februari 13, 2018.
Maadhimisho haya yanaogozwa na kaulimbiu isemayo, "Miaka Mitano ya Ofisi ya Wakili Mkuu wa Serikali: Tulipotoka, Tulipo na Tunapoelekea", ili ofisi iweze kufanya tathmini ya namna ilivyotekeleza majukumu yake ya uratibu, ushauri, usimamizi na uendeshaji mashauri ya madai na usuluhishi kwa niaba ya Serikali na taasisi zake ndani na nje ya nchi. Hafla hii inafanyikia katika Ukumbi wa Mikutano wa Jakaya Kikwete jijini Dodoma.