Bunge la Jamhuri ya Muungano wa Tanzania limepitisha bajeti ya Wizara ya Afya ya Shilingi trilioni 1.8 kwa mwaka wa fedha 2026/27, ikiwa ni hatua muhimu katika kuendelea kuimarisha huduma za afya nchini.
Bajeti hiyo iliyowasilishwa na Waziri wa Afya, Mh. Mohammed Mchengerwa inalenga kuongeza ubora wa huduma za afya, upatikanaji wa dawa na vifaa tiba, kuendeleza miundombinu ya hospitali pamoja na kusogeza huduma bora kwa wananchi katika maeneo mbalimbali nchini.
Kati ya fedha zilizopitishwa, Shilingi trilioni 1.148 sawa na asilimia 64 zitaelekezwa kwenye miradi ya maendeleo huku Shilingi bilioni 652.236 zikitumika kwa matumizi ya kawaida ya wizara hiyo.
Aidha, kupitia bajeti hiyo serikali itaendelea kusimamia maboresho makubwa katika sekta ya afya ikiwemo ujenzi wa hospitali, vituo vya afya, upatikanaji wa wataalamu pamoja na kuimarisha huduma za kibingwa na ubingwa bobezi nchini.
Tags
Kurasa za Magazeti
Kurasa za Mbele na Nyuma za Magazeti
Magazeti
Magazeti ya Leo
Magazetini
Magazetini leo
Yaliyojiri Magazetini Leo