Mfanyabiashara maarufu nchini Tanzania, Rostam Azizi, na Mbunge wa Jimbo la Ubungo jijini Dar es Salaam, Prof. Kitila Mkumbo, wamemshukia vikali mmoja wa wanasiasa maarufu nchini kwa kutoa kauli za ubaguzi dhidi ya Wazanzibari kwenye mjadala unaoendelea wa uwekezaji binafsi katika Bandari ya Dar es Salaam na kumshangaa mwanasiasa huyo kwa kuleta siasa za ukaburu kwenye jambo la kiuchumi na kibiashara.
