DAR ES SALAAM-Mkurugenzi Mtendaji wa Hospitali ya Taifa Muhimbili, Prof Mohamed Janabi leo amekutana na Viongozi wa Chama cha Wafanyakazi Madaktari na Wafamasia Tanzania (TMDPWU), Chama cha Wauguzi (TANA) na Chama cha Wafanyakazi wa Afya (TUGHE) na kujadili masuala mbalimbali yanayohusu uboreshaji huduma na maslahi ya wafanyakazi kwa ujumla wake.
Katika kikao hicho Prof. Janabi amewaasa viongozi wa vyama hivyo kufanya mikutano ya mara kwa mara na wanachama wao na kujibu hoja ambazo ziko ndani ya uwezo wao ikiwemo kusisitiza nidhamu ya kazi.
Amewashukuru kwa mshikamano wao na utulivu uliopo wakati wote mahali pa kazi na kuwaomba waendelee hivyo.
Kwa upande wao viongozi hao wameipongeza Menejimenti ya Hospitali kutokana na maboresho mbalimbali yaliyofanyika ya huduma na miundombinu na kuomba kuendelea kuboresha zaidi maslahi ya wafanyakazi.