DAR ES SALAAM-Klabu ya Simba ya jijini Dar es Salaam inatarajia kukusanya shilingi bilioni 25.94 katika bajeti yake mwaka 2023/24.
Hayo yamesemwa leo Januari 21, 2024 na Mhasibu wa klabu, Suleiman Kahumbu katika Mkutano Mkuu wa Klabu ya Simba 2023 ambao unafanyika katika Ukumbi wa Kimataifa wa Mikutano wa Julius Nyerere jijini Dar es Salaam.
"Matumizi ya 2022/23 yalipangwa kuwa shilingi 12,363,626,983 lakini matumizi halisi ni shilingi 15,936,829,943.
"Bajeti kwa mwaka 2023/2024 klabu imepanga kukusanya kiasi cha shilingi 25,930,722,300 lakini imepanga kutumia kiasi cha shilingi 25,423,997,354.
"Tutabaki na mapato ya ziada ya shilingi 506,724,946,"amebainisha Mhasibu wa Klabu, Suleiman Kahumbu katika mkutano huo.