TANESCO:Tunaendelea na mkakati wa matumizi ya vyanzo mseto vya uzalishaji umeme

NA MWANDISHI MAALUM

SHIRIKA la Umeme nchini (TANESCO) limesema kuwa, wanaendelea na mikakati kabambe ya kutumia vyanzo mseto kwa ajili ya uzalishaji umeme nchini.

Hayo yamesemwa Desemba 13, 2021 na wataalam kutoka shirika hilo akiwemo Meneja Uhusiano, Johary Kachwamba na Afisa Mkuu Huduma kwa Wateja, Martin Mwambene wakati wakipokea maoni na kujibu maswali katika kipindi cha Kumepambazuka cha Redio One Stereo.

"Tunaendelea na mkakati wa matumizi ya vyanzo mseto vya uzalishaji umeme ambapo mpaka sasa gesi inachangia asilimia 56, maji asilimia 36, fungamo taka asilimia moja na mafuta asilimia saba kwenye maeneo ambayo bado hayajafikiwa na Gridi ya Taifa,"wamebainisha.