 |
| Katibu
Mkuu wa Chama cha National Reconstruction Alliance (NRA), Hassan
Kisabya na anayefuatia ni mgombea Urais kwa tiketi ya NRA, Leopold
Mahona wakizungumza na waandishi wa vyombo mbalimbali vya habari
(hawapo pichani) wakati wa uzinduzi wa Ilani ya uchaguzi ya mwaka
2020-2025. |
Mgombea Urais wa Jamhuri ya Muungano wa Tanzania kupitia chama hicho, Leopard Lucas Mahona ameyasema hayo jijini Dar es Salaam kwenye uzinduzi wa ilani hiyo uliofanyika katika Hoteli ya Lamada jijini Dar es Salaam.
Mahona amesema kuwa, ilani hiyo ambayo inatekeleza itaenda kusimamiwa kikamilifu iwapo tu wananchi watakipa ridhaa chama hicho.
Mgombea urais huyo wa Jamhuri ya Muungano wa Tanzania amesema kuwa,kipaumbele kikubwa ni kimoja tu ambacho ni takwimu kuhusu watu, vitu na mazingira.
Mbali na kipaumbele hicho amesema, vipo vipaumbele vingine vidogo 17 ambavyo ni pamoja na utawala bora, kilimo na mifugo, afya na ustawi wa jamii.
Amesema, vipaumbele vingine ni viwanda na mazingira, biashara na uchumi, utalii, madini, mafuta na gesi asilia, elimu, maji, umeme na makazi, uvuvi, usafirishaji, michezo na miundombinu.
Mahona amesema,katika Dunia ya sasa tunahitaji Serikali ya 'hardware na software' katika kuwatumikia Watanzania. Amesema, Serikali ambayo inaweza kuwekeza kwenye miundombinu pamoja na zaidi katika rasilimali watu.
"Mfano ukijenga kituo cha afya ni lazima uhakikishe kwamba kuna vifaa tiba pamoja na watoa huduma wenye sifa stahiki,"amesema Mahona.
Kwa upande wake, Katibu Mkuu wa chama hicho, Hassan Almas amesema, Serikali itakayoundwa na NRA itakuwa ni Serikali jumuishi ambayo itawashirikisha watu wa vyama vyote.
Amesema kuwa, kama watanzania watafanya maamuzi sahihi kwa kumchagua Mahona watakuwa wamefanya maamuzi ya busara ambayo yatawezesha wao kuzifikia ndoto zao kupitia maendeleo jumuishi na shirikishi kuanzia ngazi za chini hadi Taifa.
Amesema, Tanzania na watanzania wanahitaji kuwa salama kabla na baada ya Uchaguzi Mkuu ili nchi iendelee kuwa na amani.
"Watanzania, Taifa ndio mama na baba yetu, tunahitaji Taifa zaidi ya kitu chochote, hivyo kila chama kinapaswa kuandaa malengo ya kuisaidia Tanzania na ndio maana NRA tumekuwa tukisisitiza Taifa kwanza vyama baadaye,"amesema.
Wakati huo huo, Katibu Mkuu huyo amewataka Watanzania kuisoma ilani hiyo ili mwisho wa siku wafanye maamuzi sahihi.