NA MWANDISHI DIRAMAKINI
Aliyekuwa mkuu wa mkoa wa Mwanza,Albert Chalamila amesema kuwa hakushtuka baada ya kutenguliwa kwake kwa sababu ni jambo la kawaida katika nafasi za uteuzi.
Chalamila aliyewahi pia kuwa mkoa wa Mbeya ametoa kauli hiyo katika mazungumzo na Ebony Fm leo.
Amesema kuwa, hajawahi kulalamikia kutenguliwa kwake kwani sababu za kutolewa kwake zimebaki katika Mamlaka ya Uteuzi
Akizungumzia mshtuko alioupata kufuatia kifo cha Rais Dkt. John Magufuli, Chalamila amesema katika maisha yake hakuwahi kuamini kuwa Rais aliyeko madarakani nchini Tanzania anaweza kufariki.
Ukomo wa utumishi wa RC Chalamila ulifikia tamati Ijumaa ya Juni 11,2021baada ya Rais wa Jamhuri ya Muungano wa Tanzania, Mheshimiwa Samia Suluhu Hassan kufanya mabadiliko ya Wakuu wa Mikoa na kuteua wengine.
Katika mabadiliko hayo, Mkuu wa Mkoa wa Mara, Mhandisi Robert Gabriel Luhumbi alihamia Mkoa wa Mwanza ambapo aliyekuwa Mkuu wa mkoa huo, Albert Chalamila uteuzi wake ulitenguliwa.