NA MWANDISHI MAALUM
NAIBU Waziri wa Maliasili na Utalii, Mhe. Mary Masanja (Mb) ameshiriki katika maadhimisho ya miaka 45 ya Chama cha Mapinduzi yaliyofanyika katika uwanja wa Mwenge, Wilaya ya Butiama mkoani Mara leo.
Akizungumza kwa niaba ya Mawaziri na Naibu Mawaziri katika maadhimisho hayo Mhe. Mary Masanja ameahidi kuendelea kutetea maslahi ya wanawake.
“Sisi kama wawakilishi wenu tutahakikisha uwakilishi wetu ni imara katika kutetea maslahi ya wanawake , watoto na vijana na wakati huo huo kuiimarisha jumuiya yetu ya UWT na tuko bega kwa bega kukuunga mkono Mheshimiwa Mwenyekiti,” amesisitiza Mhe. Masanja.
Aidha, amempongeza Rais wa Jamhuri ya Muungano wa Tanzania, Mhe. Samia Suluhu Hassan kwa kazi nzuri anayoifanya ya kuiongoza nchi na kuahidi kuendelea kumuunga mkono katika kuleta maendeleo ya Taifa.
Maadhimisho hayo yamehudhuriwa na viongozi na wajumbe wa Umoja wa Wanawake Tanzania kutoka mikoa yote nchini.