Yanga SC kumenyana na Simba SC nusu Fainali Kombe la TFF Mei 28

NA MWANDISHI WETU

NUSU Fainali za Kombe la Shirikisho Soka Tanzania (TFF), maarufu kama Azam Sports Federation Cup zitafanyika mwishoni mwa mwezi huu Arusha na Mwanza.
Nusu Fainali ya kwanza baina ya watani wa jadi, Simba ambao ni mabingwa watetezi na Yanga itachezwa Mei 28 Uwanja wa CCM Kirumba jijini Mwanza, wakati ya pili itafuatia Mei 29 baina ya Azam FC na Coastal Union Uwanja wa Sheikh Amri Abeid jijini Arusha.

Mwaka jana Simba waliifunga Yanga katika fainali 1-0 Uwanja wa Lake Tanganyika mjini Kigoma, bao pekee la kiungo Mganda, Thadeo Lwanga.
Aidha, fainali ya mwaka huu itafanyika Julai 2, mwaka huu katika Uwanja wa Sheikh Amri Abeid jijini Arusha.

Post a Comment

0 Comments