NA MWANDISHI WETU
CHAMA Cha Mapinduzi (CCM) kimesema licha ya Rais wa Jamhuri ya Muungano wa Tanzania, Mheshimiwa Samia Suluhu Hassan kuzungumza polepole, lakini vitendo vyake katika utekelezaji wa sera za maendeleo zimekuwa motomoto.Pia, Serikali yake kwa muda mfupi imeaminika na kuheshimika kikanda na kimataifa.
Hayo yamesemwa na Makamu Mwenyekiti wa CCM Tanzania Bara, Kanali Mstaafu Abdulrahman Kinana alipokuwa katika Manispaa ya Jiji la Mbeya.
Hayo yamesemwa na Makamu Mwenyekiti wa CCM Tanzania Bara, Kanali Mstaafu Abdulrahman Kinana alipokuwa katika Manispaa ya Jiji la Mbeya.Kinana amesema, Rais Samia amekuwa kiongozi wa mfano ambaye kwa kipindi kifupi cha mwaka mmoja amekubalika katika medani za kidiplomasia huku akiaminiwa na taasisi za kimataifa.
Akizungumzia utekelezaji wa Ilani ya Uchaguzi ya mwaka 2020-2025, alisema serikali yake imekuwa ikitekeleza wajibu hatua kwa hatua na kuimarika kwa huduma za jamii.
"Rais Samia kiongozi mchapakazi asiye na majivuno. Kila uendapo utakutana na maendeleo ambayo hayakutegemewa yatokee haraka. Anazungumza polepole lakini vitendo ni vizito," alisema Kinana.
Aidha, Makamu huyo Mwenyekiti alisema, uongozi bora hupimwa kwa kutoa matokeo chanya ambayo kwa bahati nzuri kila sekta imepatiwa fedha za kufanikisha miradi ya maendeleo.
"Kila eneo limeguswa katika maendeleo. Sekta za maji,afya,elimu zimepatiwa fedha kusukuma mbele kwa muktadha wa kupunguza kero na kumaliza changamoto sugu,"amesema Kinana.
Hata hivyo kiongozi huyo aliwataka wanawake wengi zaidi kujitokeza katika kuwania nafasi za uongozi ili kukamilisha ndoto zao na kusema wanawake ni waaminifu na wasimamizi makini.