NA DIRAMAKINI
KAMATI ya Uendeshaji ya Usalama na Usalama ya Kombe la Dunia la Shirikisho la Soka Duniani (FIFA) 2022 kupitia michuano inayoendelea jijini Doha, Qatar imewaonya mashabiki wazamiaji wanaosafiri kwenda viwanjani bila tiketi.
Miongoni mwa vipaumbele vya kamati hiyo ambayo inaundwa na maelfu ya maafisa wa usalama waliofuzu mafunzo ya kila namna ni kuhakikisha mashindano hayo yanafanyika kwa usalama viwanja vyote.
Sambamba na kila shabiki ambaye anafika uwanjani kuhakikisha anakidhi vigezo ambavyo ni pamoja na kuwa na tiketi halali ambayo inatolewa na FIFA.
"Mashabiki wa Kombe la Dunia wasio na tiketi wanaojaribu kufika uwanjani watashughulikiwa kwa uzito,"Usalama wametoa angalizo hilo kupitia taarifa yake ya Desemba 3, 2022 iliyoonwa na DIRAMAKINI.
Pia kamati hiyo imesema, washiriki katika mechi za Kombe la Dunia la FIFA la Qatar 2022 wanapaswa kushikilia tiketi halali.
Kamati hiyo imewataka mashabiki kutosafiri kwenda viwanjani bila kuwa na tiketi halali ya mechi. Katika taarifa kwa vyombo vya habari, imesema kwamba kuna visa vinavyoongezeka vya mashabiki kujaribu kufika viwanjani bila kushikilia tiketi sahihi.
"Matukio kama haya yatachukuliwa kwa uzito na timu zetu za usalama na itayashughulikia ipasavyo," iliongeza.
Aidha,kamati hiyo imewahimiza wale wote wanaopenda kuhudhuria mechi hizo kuangalia upatikanaji wa tiketi na kuzinunua kupitia FIFA.com/tickets.