NA DIRAMAKINI
YANGA SC ambao ni mabingwa watetezi wa taji la Ligi Kuu ya NBC Tanzania Bara wamebakiza alama tatu tu kutawazwa kuwa mabingwa tena wa ligi hiyo kwa msimu wa pili mfululizo.
Ni baada ya ushindi mnono walioupata Mei 4, 2023 wa mabao 2-0 yaliyofungwa na Stephanie Aziz Ki dakika ya 15 na Clement Francis Mzize dakika ya 21 dhidi ya wenyeji Singida Big Stars katika Uwanja wa LITI mjini Singida.
Kwa matokeo hayo Yanga SC inafikisha alama 71 na kuendelea kuongoza ligi kwa alama saba zaidi ya watani wao, Simba SC baada ya wote kucheza mechi 27 kuelekea mechi tatu za mwisho.
Wakati huo huo, Singida Big Stars inabaki na alama zake 51 katika nafasi ya nne ikizidiwa alama mbili na Azam FC walio nafasi ya tatu baada ya wote kucheza mechi 27.
Awali, Simba SC walilazimishwa sare ya bao moja kwa moja na Namungo FC katika dimba la Majaliwa lililopo Ruangwa mkoani Lindi.
Kwa matokeo hayo Yanga SC inafikisha alama 71 na kuendelea kuongoza ligi kwa alama saba zaidi ya watani wao, Simba SC baada ya wote kucheza mechi 27 kuelekea mechi tatu za mwisho.
Wakati huo huo, Singida Big Stars inabaki na alama zake 51 katika nafasi ya nne ikizidiwa alama mbili na Azam FC walio nafasi ya tatu baada ya wote kucheza mechi 27.
Awali, Simba SC walilazimishwa sare ya bao moja kwa moja na Namungo FC katika dimba la Majaliwa lililopo Ruangwa mkoani Lindi.