CCM yaahidi ushirikiano kwa wanahabari

NA MWANDISHI WETU

KATIBU wa Halmashauri Kuu ya CCM Taifa, Itikadi na Uenezi Ndugu Sophia Edward Mjema amekutana na kuzungumza na waandishi wa vyombo vya habari (Magazeti, Televisheni, Redio na Blogu) nchini katika kuhakikisha mahusiano baina ya CCM na wanahabari yanazidi kuwa bora na kuendelea kuimarika, kulingana na mahitaji ya wakati.

Chama Cha Mpainduzi kitaendelea kutambua umuhimu na nafasi ya vyombo vya habari katika kueneza Sera na Itikadi ya Chama cha Mapinduzi na kuuhabarisha umma kuhusu utekelezaji wa Ilani ya CCM na utendaji kazi wa Serikali zake zote mbili, Serikali ya Jamhuri ya Muungano wa Tanzania na Serikali ya Mapinduzi Zanzibar.