ZANZIBAR-Rais wa Zanzibar na Mwenyekiti wa Baraza la Mapinduzi, Mhe.Dk.Hussein Ali Mwinyi amekutana na Balozi wa India nchini Tanzania, Mhe.Binaya Srikanta Pradhan Ikulu jijini Zanzibar kumuaga.
Mheshimiwa Balozi Binaya amefika Ikulu tarehe 22,2023 baada ya kumaliza kipindi cha miaka mitatu ya utumishi nchini.
Rais Dkt.Mwinyi amemshukuru kwa kudumisha ushirikiano na uhusiano wa kidiplomasia katika kipindi chake cha uwakilishi ikiwemo upatikanaji wa fursa mbalimbali za ufadhili wa masomo India.
Pia, kuanzishwa kwa Taasisi ya IIT Madras Zanzibar, miradi mbalimbali ya maendeleo, kujenga uwezo, pamoja na fursa za uwekezaji na biashara.
Naye , Balozi Mhe.Binaya Srikanta Pradhan amezungumzia kuhusu Serikali ya India kuwapeleka kikundi cha Zanzibar One Modern Taarab kutoka Zanzibar kushiriki Tamasha la Utamaduni nchini India mwezi Februari mwaka 2024.
Pia Balozi Mhe.Pradhan amemwalika Rais Dkt.Mwinyi kuitembelea India.Rais Dkt.Mwinyi amekubali mwaliko huo wa kuitembelea India.