ARUSHA-Director maarufu wa video mbalimbali ikiwemo za wasanii wa Bongofleva ambaye pia ni Mtoto wa kwanza wa muhubiri maarufu wa Arusha wa Kanisa la Ngurumo ya Upako, Dkt.GeorDavie, Nic Davie maarufu Nisher amefariki saa nane na dakika tisa usiku wa kuamkia leo Desemba 12,2023.
.jpeg.webp)
Familia ya Dr.GeorDavie imethibitisha kutokea kwa msiba huo wa Kijana wao Nisher na kusema msiba unafanyika katika nyumba ya matamko Kisongo jijini Arusha na kwamba taarifa zaidi zitatolewa baadaye.
"FAMILIA YA NABII MKUU.MHE.DKT.GEORDAVIE INASIKITIKA KUTANGAZA KIFO CHA KIJANA WAO MPENDWA NIC DAVIE (NISHER) KILICHOTOKEA USIKU WA KUAMKIA LEO SAA NANE NA DAKIKA TISA.
"MSIBA UNAFANYIKIA KATIKA NYUMBA YA MATAMKO KISONGO ARUSHA TANZANIA!! 2TIMOTHEO4:7."
