ZANZIBAR-Rais wa Zanzibar na Mwenyekiti wa Baraza la Mapinduzi,Mhe. Dkt.Hussein Ali Mwinyi anawatakia Heri ya Mwaka Mpya 2024 wananchi wote na kuwataka kudumisha umoja, amani na upendo waliouonesha katika mwaka 2023.
Mheshimiwa Rais Dkt.Mwinyi anasema kuwa, mwaka 2023 ulikuwa mwaka wa mafanikio makubwa kwa Wazanzibari katika sekta mbalimbali kama vile Elimu, Afya, Miundombinu, Uwezeshaji na mengineyo, mwaka mpya 2024 utakuwa wa mafanikio zaidi kulingana na mipango ambayo Serikali imejipanga kuitekeleza kwa wakati.
Aidha,Mhe. Rais Dk.Mwinyi ametoa wito kwa watumishi wa umma kuendelea kufanya kazi kwa kuzingatia msingi ya Sheria na Weledi ili Zanzibar iendelee kupiga hatua za mafanikio.