Waziri Mkuu Kassim Majaliwa amewasili mkoani Tabora ambapo atamwakilisha Rais wa Jamhuri ya Muungano wa Tanzania, Dkt.Samia Suluhu Hassan ambaye pia ni Mwenyekiti wa CCM Taifa katika maziko ya aliyekuwa Mwenyekiti wa Chama Cha Mapinduzi (CCM) Mkoa wa Tabora na Mjumbe wa Kamati Kuu ya CCM,Hassan Wakasuvi.
Wakasuvi ambaye pia alikuwa Mlezi wa chama wa Mkoa wa Arusha alifariki dunia Februari 22,2024.
Alipatwa na umauti huo baada ya kuanguka akiwa ofisini kwake ambapo viongozi na WanaCCM waliokuwepo ofisini hapo walimkimbiza Hospitali ya Rufaa ya Mkoa huo, Kitete kwa ajili ya matibabu zaidi,lakini haikusaidia kuokoa maisha yake.