MAPUTO-Katika kuimarisha ushirikiano kati ya Tanzania na Msumbiji katika sekta ya elimu, Mhe. Phaustine Kasike, Balozi wa Jamhuri ya Muungano wa Tanzania nchini Msumbiji amekutana na Mkuu wa Chuo Kikuu cha Joaquim Chissano, Prof. José Magode kwenye ofisi za chuo hicho zilizopo jijini Maputo.
Hayo ni kwa mujibu wa taarifa iliyotolewa Machi 22,2024 na Ubalozi wa Jamhuri ya Muungano wa Tanzania jijini Maputo,Msumbiji.
Katika mkutano huo, pamoja na masuala mengine ya ushirikiano, Viongozi hao wawili walikubaliana kuanzishwa Darasa la Lugha ya Kiswahili Chuoni hapo ambapo Ubalozi uliahidi kusaidia kupatikana kwa Walimu watakaofundisha darasa hilo.