NJOMBE-Mahakama ya Wilaya ya Makete mkoani Njombe imemhukumu, God Yuton mwenye miaka 41, mkazi wa Kijiji cha Iwawa kifungo cha miaka 30 kwa kosa la kubaka. Hukumu hiyo imetolewa Machi 6, 2024 na Hakimu Mfawidhi Mwandamizi wa Wilaya ya Makete, Mhe. Ivan Msaky.
Mtuhumiwa alitenda kosa hilo Januari 23, 2024 huko katika Kijiji cha Iwawa Makete ambapo alimbaka mwanafunzi wa kidato cha sita, Shule ya Sekondari Iwawa.
Aidha,Mahakama imemkuta na hatia baada ya ushahidi wa kutosha ulitolewa mahakamani na hatimaye kuhukumiwa kifungo cha miaka 30 jela.
