MBEYA-Spika wa Bunge la Jamhuri ya Muungano wa Tanzania na Mbunge wa Mbeya Mjini, Mhe. Dkt. Tulia Ackson, leo tarehe 21 Aprili, 2024 amewatembelea Wananchi mbalimbali walioathirika na maporomoko ya udongo yaliyotokea tarehe 13 Aprili, 2024 katika eneo la Kawetere Kata ya Itezi Jijini Mbeya. 
Pamoja na mambo mengine, Dkt. Tulia amekabidhi misaada mbalimbali kwa waathirika ikiwemo vyakula, mafuta, magodoro n.k ambavyo vimetolewa na Serikali kwa kushirikiana na Dkt. Tulia ambavyo vimegharimu zaidi ya Shilingi Milioni 40.