ZANZIBAR-Rais wa Jamhuri ya Muungano wa Tanzania, Dkt.Samia Suluhu Hassan ameipongeza Simba SC kwa kuibuka na ushindi wa bao 1-0 dhidi ya Stellenbosch FC ya Afrika Kusini.
Ni katika mchezo kwa kwanza wa nusu fainali ya Kombe la Shirikisho barani Afrika uliofanyika Aprili 20,2025 katika Dimba la New Amaan Complex.
“Hongera sana kwa Klabu ya Simba kwa ushindi katika mchezo wa Mashindano ya Kombe la Shirikisho la Soka Afrika (CAF Confederation Cup).
“Mmeleta furaha kwa mashabiki wenu na Watanzania wote na kuipeperusha vyema bendera ya nchi yetu.
"Motisha kutoka kwangu mtaipokea kupitia Wizara ya Habari, Utamaduni, Sanaa na Michezo. Ninawatakia kila la kheri,” ameandika Rais Dkt.Samia kwenye ukurasa wake rasmi wa mitandao ya kijamii.