DCEA:Mwanza bila dawa za kulevya inawezekana

MWANZA-Mamlaka ya Kudhibiti na Kupambana na Dawa za Kulevya nchini (DCEA) imetoa mafunzo kwa maafisa watendaji wa kata za Kisesa na Bujora pamoja na wenyeviti wa vijiji na vitongoji vilivyopo katika kata hizo wilayani Magu mkoani Mwanza ambao jumla ya viongozi 51 kutoka kata hizo wamepata elimu hiyo.

Taarifa zilizopo zinaonesha kuwa,Kata ya Kisesa imekuwa kama kituo (hub) cha usambazaji wa dawa za kulevya kutoka Mkoa wa Mara na maeneo jirani.

Hivyo, viongozi hao wamehimizwa kuwa mstari wa mbele kupambana na kutoa taarifa juu ya wale watakao kua wanaendelea kutumia sehemu hiyo kama kituo kikuu cha usambazaji wa dawa za kulevya.