Waziri Kombo atembelea miradi inayotekelezwa na wizara,taasisi zake

ARUSHA-Waziri wa Mambo ya Nje na Ushirikiano wa Afrika Mashariki, Mhe. Balozi Mahmoud Thabit Kombo (Mb.) ametembelea miradi ya maendeleo inayotekelzwa na wizara yake na taasisi zilizo chini ya wizara jijini Arusha.

Miradi hiyo ni pamoja na ujenzi wa Ukumbi wa Kimataifa wa Mikutano wa Mount Kilimanjaro (MKICC) kwenye eneo la Kijenge na ujenzi wa jengo la ofisi la Mahakama ya Afrika ya Haki za Binadamu na Watu kwenye eneo la Lakilaki,Arusha.