NA DIRAMAKINI
WATU wawili wamefariki dunia baada ya magari aina ya Noah waliokuwa wakisafiria kugongana uso kwa uso eneo la Utaho Barabara Kuu ya kutoka Dodoma kwenda Singida wilayani Ikungi.
Kamanda wa Polisi Mkoa wa Singida , Kamishna Msaidizi wa Polisi, ACP Stellah Mutabihirwa amethibitisha kutokea kwa ajali hiyo iliyotokea leo Septemba 18, 2022 majira ya mchana katika eneo hilo.
Kamanda wa Polisi Mkoa wa Singida , Kamishna Msaidizi wa Polisi, ACP Stellah Mutabihirwa amethibitisha kutokea kwa ajali hiyo iliyotokea leo Septemba 18, 2022 majira ya mchana katika eneo hilo.
Amesema watu waliopoteza maisha katika ajali hiyo ni wanaume akiwemo Katibu wa Msikiti wa Kati (BAKWATA) mjini hapa aliyefahamika kwa jina la Hamisi Dinya ambaye alikuwa akienda kumpokea Mufti wa Tanzania Sheikh, Abubakar Zuberi Bin Ally ambaye ameanza ziara yake leo ya kikazi ya siku mbili mkoani hapa pamoja na mtoto mmoja ambaye jina lake halijafahamika.
Kamanda amesema majeruhi katika ajali hiyo ni saba na walikimbizwa Hospitali ya Misheni ya Puma kwa ajili ya matibabu ambapo hali ya majeruhi mmoja ni mbaya.
Kamanda amesema majeruhi katika ajali hiyo ni saba na walikimbizwa Hospitali ya Misheni ya Puma kwa ajili ya matibabu ambapo hali ya majeruhi mmoja ni mbaya.