NA GODFREY NNKO
RAIS wa Jamhuri ya Muungano wa Tanzania, Mhe. Samia Suluhu Hassan amefanya uteuzi katika Hospitali ya Taifa ya Muhimbili na Taasisi ya Moyo ya Jakaya Kikwete (JKCI).
Hayo ni kwa mujibu wa taarifa iliyotolewa leo Septemba 18, 2022 na Mkurugenzi wa Mawasiliano ya Rais Ikulu, Bi.Zuhura Yunus.Kwa mujibu wa taarifa hiyo, Mheshimiwa Rais Samia amemteua Prof. Mohamed Yakubi Janabi kuwa Mkurugenzi Mtendaji wa Hospitali ya Muhimbili. Prof. Janabi alikuwa Mkurugenzi Mtendaji wa Taasisi ya Moyo ya Jakaya Kikwete (JKCI).Prof. Janabi anachukua nafasi ya Prof. Lawrence Maseru ambaye amestaafu.
Pia Mheshimiwa Rais Samia amemteua Dkt. Peter R. Kisenge kuwa Mkurugenzi Mtendaji wa Taasisi ya Moyo ya Jakaya Kikwete. Dkt. Kisenge anachukua nafasi ya Prof. Janabi. Dkt. Kisenge ni Mkurugenzi wa Tafiti na Mafunzo wa (JKCI). Kwa mujibu wa taarifa hiyo, uteuzi huu umeanza Oktoba 2, 2022.