NA DIRAMAKINI
DROO ya Raundi ya Pili ya Kombe la Shirikisho la Soka Tanzania (TFF),maarufu kama Azam Sports Federation Cup (ASFC) imefanyika leo Novemba 30, 2022 jijini Dar es Salaam na mabingwa watetezi, Yanga SC watamenyana na Kurugenzi ya Simiyu.
Washindi wa pili wa msimu uliopita Coastal Union watacheza na Tanga Middle, huku Simba SC wakitarajiwa kukipiga na Eagle FC.
Kwa upande wa Azam FC kupitia Kombe la Shirikisho la Soka Tanzania (TFF) watamenyana na Malimao.