NA DIRAMAKINI
MAKUNDI mbalimbali ya vijana Mkoa wa Lindi yameungana kwa pamoja kufanya maandamano leo Novemba 30, 2022 katika hali inayoonesha kufurahishwa kwao na ujio na jitihada za Rais wa Jamhuri ya Muungano wa Tanzania, Mhe. Rais Samia Suluhu Hassan katika kuleta maendeleo ya mkoa wao.
Vijana zaidi ya elfu moja (1000) waliovalia na sare zenye maudhui yenye kumshukuru Mhe. Rais Samia Suluhu Hassan, kwa saa kadhaaa wameusimamisha mji wa Lindi kwa mbwembwe, vifijo na mabango yenye jumbe mbalimbali.
"Kusini bega kwa bega na Samia mpaka kieleweke"
Huu ni moja ya ujumbe maarufu uliotawala mabango yalioshikwa na vijana hao, wakijinasibu kutoa ushirikiano kwa Rais huyo wa Jamhuri ya Muungano wa Tanzania.