NA DIRAMAKINI
UBALOZI wa Jamhuri ya Muungano wa Tanzania nchini Marekani umesema umepokea taarifa kwamba kuna mtu au watu wanaotumia jina la Mheshimiwa Balozi Dkt.Elsie Sia Kanza na majina ya watumishi wa ubalozi kufanya utapeli kwa njia ya simu.
Hayo ni kwa mujibu wa taarifa iliyotolewa Januari 29, 2023 na Ubalozi wa Jamhuri ya Muungano wa Tanzania nchini Marekani.
Kwa mujibu wa taarifa hiyo, watu hao wamekuwa wakiomba michango mbalimbali na wamekuwa wakieleza kwamba ubalozi unaandaa tukio wanalosema litafanyika Washington D.C nchini Marekani mwezi Februari, 2023. Endelea;
