NA DIRAMAKINI
KLABU ya Yanga kutoka jijini Dar es Salaam ambao ni mabingwa watetezi wa Ligi Kuu ya NBC Tanzania Bara wamesogelea ubingwa wa ligi hiyo yenye mvuto nchini.
Ni baada ya kuzoa alama tatu kupitia ushindi wa bao 1-0 dhidi ya KMC katika mchezo uliopigwa kwenye Dimba la Benjamin Mkapa jijini Dar es Salaam leo.
Clement Mzinze ndiye aliyeweka nvayuni bao hilo dakika ya 38 ya kipindi cha kwanza cha mchezo huo lililodumu hadi mapumziko.
Aidha,kipindi cha pili timu zote zilifanya mabadiliko ambapo katika dakika ya 75 Yanga ilifanya mabadiliko kwa kumpumzisha Clement Mzinze na kumwingiza Fiston Mayele huku Mudathir Yahaya akiingia kuchukua nafasi ya Zawadi Mauya.
Kwa matokeo hayo Yanga inafikisha alama 62 ikitofautiana na Simba SC kwa jumla ya alama nane.