Makatibu wakuu SADC wakutana jijini Kinshasa

NA MWANDISHI WETU

MKUTANO wa Kamati ya Kudumu ya Makatibu Wakuu wa Jumuiya ya Maendeleo Kusini mwa Afrika (SADC) umefunguliwa Machi 13, 2023 jijini Kinshasa nchini Jamhuri ya Kidemokrasia ya Kongo (DRC).

Naibu Katibu Mkuu wa Wizara ya Fedha na Mipango ambaye ni Kiongozi wa ujumbe wa Tanzania unaoshiriki Mkutano wa Baraza la Mawaziri wa SADC ngazi ya Makatibu Wakuu akiwa katika meza ya Tanzania wakati wa ufunguzi wa Mkutano wa Kamati ya Kudumu ya Makatibu Wakuu wa SADC unaofanyika Kinshasa, Jamhui ya Kidemokrasia ya Congo.

Katika mkutano huo, ujumbe wa Jamhuri ya Muungano wa Tanzania umeongozwa na Naibu Katibu Mkuu wa Wizara ya Fedha na Mipango, Bi.Amina Shaaban.

Wakati wa ufunguzi wa Mkutano wa Makatibu Wakuu, Mwenyekiti wa Mkutano huo ambaye pia ni Katibu Mkuu wa Wizara ya Mtangamano wa Kikanda wa DRC,Balozi Songhu Kayumba alisisitiza umuhimu wa wajumbe kushiriki kikamilifu kwa kutoa maoni yatakayolenga kufanikisha utekelezaji wa ajenda zitakazojadiliwa.

Makatibu wakuu wanajadili ajenda mbalimbali ambazo ni pamoja na hatua zilizofikiwa katika utekelezaji wa Maamuzi ya Wakuu wa Nchi na Serikali waliyotoa katika mikutano iliyopita.

Jamhuri ya Muungano wa Tanzania inashiriki kikamilifu kwenye mkutano huo na imejipanga kusukuma utekelezaji wa ajenda ilizoziibua au kuziunga mkono katika mikutano iliyopita.

Ajenda hizo ni pamoja na ujenzi wa sanamu ya Hayati Baba wa Taifa, Mwalimu Julius Kambarage Nyerere ambayo itasimikwa kwenye makao makuu ya Umoja wa Afrika (AU).

Katibu Mkuu wa Wizara ya Mtangamano wa Kikanda wa DRC ambaye ni Mwenyekiti wa Kikao cha Kamati ya Kudumu ya Makatibu Wakuu, Balozi Songhu Kayumba akisoma hotuba ya ufunguzi ya kikao hicho.Nyingine ni tafsri ya nyaraka muhimu za SADC katika lugha ya Kiswahili ambayo ni hatua muhimu ya utekelezaji wa matumizi ya lugha hiyo kwenye jumuiya.

Sambamba na mpango wa Kanda wa Ununuzi wa Pamoja wa Bidhaa za Afya unaoratibiwa na Bohari Kuu ya Dawa (MSD) na mkakati wa pamoja wa Kanda wa Kusimamia Sekta ya Mbolea.

Wajumbe wa Nchi Wanachama wa Jumuiya ya Maendeleo Kusini mwa Afrika (SADC) wanaoshiriki Mkutano wa Baraza la Mawaziri wa SADC, ngazi ya Makatibu Wakuu unaofanyika Kinshasa, Jamhui ya Kidemokrasia ya Congo.

Wakati huo huo, Waziri wa Mambo ya Nje na Ushirikiano wa Afrika Mashariki, Mheshimiwa Dkt.Stergomena L.Tax (Mb) anatarajiwa kuongoza ujumbe wa Jamhuri ya Muungano wa Tanzania katika Mkutano wa Baraza la Mawaziri utakaofanyika kuanzia Machi 18 hadi 20, mwaka huu baada ya Mkutano wa Makatibu Wakuu kukamilika.