NA DIRAMAKINI
KATIBU Mkuu wa Chama Cha Mapinduzi (CCM) Taifa, Daniel Chongolo amewataka wananchi katika Halmashauri ya Wilaya ya Kondoa mkoani Dodoma kuendelea kuwapeleka watoto wao shule, kwani vijana wengi wilayani humo Mungu amewakirimia vipawa vya kipekee.
"Mimi nitoe wito kwenu, kwenye elimu pelekeni vijana wakasome. Ninyi hapa Kondoa moja ya sifa kubwa ya hapa Kondoa vijana mkiwapeleka shule ni wazuri wa namba, hesabu, wanajua hesabu kweli kweli ni wazuri kweli kweli kwenye uchumi.
"Na vijana wengi kuanzia mwenyekiti wenu wa mkoa, vijana wilaya yenu vichwa inachemka. mkiwapeleka mtakua na tija kubwa kwa nchi hii.
"Wengi ambao wameenda ninyi wenyewe ni mashaidi, hapa tumepata watu wazito, kwenye majeshi ya ulinzi, kwenye polisi, kwenye magereza, kwenye fedha kwenye kila eneo la nchi hii kuna watu waliotoka Kondoa. Kwa sifa yenu kubwa ni uaminifu. Watu wa Kondoa ni waaminifu, lakini tumewazidi kidogo wa Iringa."