ROMA-Spika wa Bunge la Jamhuri ya Muungano wa Tanzania, Mhe. Dkt. Tulia Ackson, leo tarehe 24 Julai, 2023 ametembelea Ofisi za Ubalozi wa Tanzania nchini Italia zilizopo katika Jiji la Roma na kupokelewa na Mwenyeji wake Balozi wa Tanzania nchini humo Mhe. Mahmoud Thabit Kombo.
Katika ziara hiyo, Mhe. Dkt. Tulia ameambatana pia na Katibu wa Bunge Bi. Nenelwa Mwihambi ndc, Katibu wa Spika Ndg. Mathew Kileo pamoja na baadhi ya Watumishi wa Ofisi ya Bunge.