NA DIRMAKINI
WAZIRI Mkuu wa Qatar,Mheshimiwa Sheikh Mohammed Bin Abdulrahman Al-Thani amesema, ana imani kwamba makubaliano ya utekaji nyara kati ya Israel na Hamas yatafikia ukomo.
Mkataba wa kurasa sita unatarajiwa kusababisha kusitishwa kwa muda mapigano na kuachiliwa mateka huko Gaza. (Picha na Reuters).
Mheshimiwa Al-Thani ameyasema hayo Novemba 19, 2023 jijini Doha huku akibainisha kuwa, changamoto zilizosalia kwa sasa ni ndogo sana.
"Changamoto zinazokabili mkataba huo ni za kiutendaji,"Sheikh Mohammed alisema katika mkutano na waandishi wa habari pamoja na mkuu wa sera za kigeni wa Umoja wa Ulaya, Josep Borrell huko Doha.
Maoni yake yalifuatia ripoti ya Washington Post, ikitoa mfano wa watu wanaofahamu mpango huo, wakidai kuwa Israel, Marekani na wanamgambo wa Hamas wamefikia makubaliano ya muda ya kuwaachilia makumi ya wanawake na watoto waliokuwa mateka huko Gaza ili kubadilishana na kusitishwa kwa siku tano mapigano.
Hata hivyo, Waziri Mkuu wa Israel, Benjamin Netanyahu na maafisa wa Marekani walisema, bado hakuna mpango uliofikiwa.
"Juhudi bado zinaendelea ... na tunawasiliana na pande zote mbili, iwe na Waisraeli au na Hamas, na tunaona kuna maendeleo mazuri hasa yaliyotokea katika siku chache zilizopita," alisema Sheikh Al-Thani.
"Nina uhakika zaidi kwamba tuko karibu vya kutosha kufikia makubaliano ambayo yanaweza kuwarudisha watu nyumbani kwao salama.”
Kwa mujibu wa ripoti iliyotolewa Jumamosi na kuchapishwa na baadhi ya vymbo vya habari vya Kimataifa ilibainisha kuwa,kuachiliwa kwa mateka kunaweza kuanza ndani ya siku kadhaa zijazo.
Ripoti hiyo inakuja huku Israel ikionekana kujiandaa kupanua mashambulizi yake dhidi ya wanamgambo wa Hamas hadi Kusini mwa Gaza baada ya mashambulizi ya anga kuwaua makumi ya Wapalestina, wakiwemo raia wanaoripotiwa kupata hifadhi katika shule mbili.
Chini ya makubaliano hayo, pande zote zitasimamisha shughuli za mapigano kwa angalau siku tano huku mateka 50 au zaidi wakiachiliwa kwa vikundi kila baada ya saa 24, gazeti la Washington Post liliripoti.
Hamas ilichukua mateka wapatao 240 wakati wa shambulio la Oktoba 7, 2023 ndani ya Israeli na kuua watu 1,200.
Aidha, kusitishwa huko pia kunanuiwa kuruhusu kiasi kikubwa cha misaada ya kibinadamu kuingia, gazeti hilo lilisema, na kuongeza muhtasari wa mpango huo uliwekwa pamoja wakati wa wiki za mazungumzo nchini Qatar.(AN)