ZANZIBAR/DAR-Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi anaungana na Wakristo na wananchi wote kwa ujumla katika kusherekea Sikukuu ya Krismasi ambapo anawatakia Heri na baraka katika kusherekea Sikukuu ya hii.
Katika msimu huu wa sikukuu,Rais Dkt. Mwinyi amewataka wananchi kusherehekea kwa amani na utulivu huku wakichukua tahadhari katika matumizi ya barabara sambamba na kujiepusha na vitendo viovu.
Rais Dkt. Mwinyi amesema, mwaka mpya 2024 utakuwa mwaka wa mafanikio makubwa kulingana na mipango ambayo Serikali ya Mapinduzi ya Zanzibar (SMZ) imepanga ambayo itatekelezwa kwa wakati.
