LONDON-Balozi wa Jamhuri ya Muungano wa Tanzania nchini Uingereza, Mheshimiwa Mbelwa Brighton Kairuki amemshukuru mwanadiaspora, Bi. Petronila Mlowe kwa utayari wake kusaidia juhudi za kuongeza mauzo ya bidhaa za Tanzania katika soko la Uingereza.
Mheshimiwa Balozi Kairuki amatoa shukurani hizo kupitia ukurasa wake wa x (Twitter).
"Ninamshukuru sana Mwanadiaspora Bi Petronila Mlowe kwa utayari wake kusaidia juhudi za kuongeza mauzo ya bidhaa za Tanzania katika soko la Uingereza.
"Kwa hakika ufahamu wake mkubwa wa taratibu za uingizaji wa bidhaa katika soko la Uingereza na EU utaifaa sana nchi yetu...
"Bi.Mlowe,mwajiriwa wa Serikali ya Uingereza ana uzoefu wa zaidi ya miaka 15 katika shughuli za udhibiti wa ubora wa bidhaa za vyakula.
"Ubalozi utaendelea kushirikiana na Diaspora katika kuhemea fursa mbalimbali nchini Uingereza na Ireland,"amefafanua Balozi Kairuki.