DAR-Wealth Media Group (WMG), vyombo vya habari vya kwanza na vya kipekee nchini Tanzania vinavyolenga uchambuzi wa kiuchumi na maendeleo ya kijamii, imemtangaza rasmi Babbie Kabae kuwa Mkurugenzi Mtendaji wa Kwanza wa taasisi hiyo.
Tangazo hili linaashiria mwanzo wa zama mpya katika historia ya vyombo vya habari nchini na barani Afrika, likijikita katika kuunganisha maarifa, ushirikishwaji na ubunifu wa kisasa, kwa lengo la kuhamasisha uchumi na uwekezaji ndani na nje ya bara la Afrika.
Kuhusu Wealth Media Group
WMG ni vyombo vya habari vya kwanza nchini Tanzania vinavyoendeshwa kwa mfumo wa lugha mbili (Kiswahili na Kiingereza), njia nyingi za mawasiliano, vinavyoongozwa na takwimu.
Chini ya WMG, hadhira itapata huduma kupitia:
WTV-Made in Africa: Televisheni ya uchambuzi wa kiuchumi na biashara yenye mizizi ya Kitanzania na upeo wa kimataifa.
WFM-Ni Yako: Redio shirikishi inayowaweka wananchi katikati ya mijadala ya maendeleo.
Wealth Magazine – Unlocking Investment: Jarida la kifedha na kibiashara linalofungua milango ya uwekezaji na maarifa mapya.
Wigo na Athari
Tanzania (60%): Kuwa jukwaa kuu la wananchi kupata uelewa wa kifedha na kiuchumi.
EAC (20%): Kuunganisha Jumuiya ya Afrika Mashariki kupitia Kiswahili na Kiingereza.
SADC (15%): Kushirikisha wawekezaji, vijana na wajasiriamali Kusini mwa Afrika.
Global (5%): Kuonyesha Afrika kama nguvu ya kiuchumi duniani, kuvutia wawekezaji wa kimataifa na diaspora ya Kiafrika.
Dira na Kauli Mbiu
Tukiongozwa na kauli mbiu yetu: "We Create Wealth, We Build Economies, We Move Nations”
WMG imejikita katika:
■Dira ya Taifa ya Uchumi wa Usd Trilioni 1 ifikapo 2050
■Ajenda ya Afrika 2063
■Malengo ya Maendeleo Endelevu (SDGs)
Nukuu Rasmi
Babbie Kabae, Mkurugenzi Mtendaji wa Kwanza, Wealth Media Group:
"WMG inalenga kuwa zaidi ya chombo cha habari. Ni jukwaa la mabadiliko ya kiuchumi na kijamii.
Dira yetu (Vision) ni kuifanya Tanzania na Afrika kuwa kitovu cha habari na uchambuzi wa kiuchumi chenye kuaminika duniani.
Dhamira yetu (Mission) ni kuwapa watu, familia, biashara na serikali taarifa sahihi na za kuaminika, zinazowawezesha kufanya maamuzi bora ya kifedha na kimaendeleo.
Tunataka kila hadhira ijione sehemu ya safari hii ya pamoja ya kujenga mustakabali mpya wa Afrika.”
Paul Mashauri, Mwakilishi wa Bodi ya WMG:
"Uteuzi wa Babbie Kabae unaashiria hatua kubwa kwa WMG na tasnia ya habari barani Afrika.
Ana uzoefu na maono makubwa ya kuunganisha jamii, uchumi na uwekezaji kupitia vyombo vya habari.
WMG ni injini ya uchumi na ni chachu ya mabadiliko makubwa yanayolenga kumweka Mtanzania na Mwafrika katika nafasi ya mbele ya maendeleo."
Violet Hobokela Mwandenga, Mkurugenzi, Family Health Institute Global (FPI Global), Seattle, Washington, USA-Mwakilishi wa Diaspora:
"Kama sehemu ya diaspora ya Tanzania na Afrika, ninaona WMG kama jukwaa linalotuunganisha tena na nyumbani.
Diaspora ina ari kubwa ya kuwekeza nyumbani, na tunahitaji vyombo vya habari vinavyotupa taarifa za kuaminika kuhusu fursa za maendeleo na uwekezaji.
WMG ni daraja letu-ni mahali pa kupata simulizi sahihi na nguvu ya kushiriki katika kujenga uchumi wa taifa na bara letu."
Hitimisho
Kumteua Babbie Kabae si tu uteuzi wa kiongozi, bali ni alama ya mageuzi makubwa katika tasnia ya habari na uchambuzi barani Afrika.
WMG inakuja kama chachu ya mabadiliko makubwa, ikitoa jukwaa la kusikika kwa sauti za Watanzania, Waafrika, na diaspora kupitia maudhui shirikishi, bunifu, ya kisasa na yenye matokeo halisi.
“Hivi ndivyo vyombo vya habari vipya vinavyobadili mchezo. Hii ni mwanzo wa zama mpya na dunia haiwezi kusubiri kuishuhudia.”