NA HAPPINESS SHAYO-WMU
NAIBU Waziri wa Maliasili na Utalii, Mhe. Mary Masanja (Mb) ameishukuru Serikali ya Jamhuri wa Muungano wa Tanzania kwa kutenga fedha za kujenga mipaka katika hifadhi za Taifa nchini.
Ameyasema hayo leo wakati wa ziara ya Kamati ya Bunge ya Kudumu ya Ardhi, Maliasili na Utalii katika Hifadhi ya Taifa ya Serengeti mpakani mwa Tanzania na Kenya.
Amesema, mipaka hiyo itasaidia kupunguza migogoro kati ya hifadhi za nchi mbili tofauti, itasaidia kudhibiti mapato yatokanayo na utalii na pia itasaidia kudhibiti majangili.
Aidha, ameipongeza Wizara ya Ardhi, Nyumba na Maendeleo ya Makazi kwa kuchukua jukumu hilo kwa vitendo kujenga akitolea mfano mpaka kati ya Tanzania na Kenya uliojengwa katika Hifadhi ya Taifa ya Serengeti.