Waziri wa Uwekezaji, Viwanda na Biashara, Mhe. Dkt.Ashatu Kijaji (Mb) amekutana na kuzungumza na Mkurugenzi Mkuu wa Kampuni ya Total Energies Tanzania, Bw. Jean Francois Schoepp aliyeambatana na Mkurugenzi wa Sheria na Uhusiano, Bi Getrude Mpangile pamoja na Mkurugenzi wa Biashara na Vilainishi vya Injini, Amr Khamis kuhusu uwekezaji katika utengenezaji wa vilainishi vya injini nchini na nishati ya upepo, jua na gesi asilia. Mazungumzo hayo yamefanyika Machi 3, 2022 katika ofisi ndogo za wizara jijini Dar es Salaam.
