NA DIRAMAKINI
OFISI ya Msajili wa Jumuiya za Kiraia, Wizara ya Mambo ya Ndani ya Nchi imesema inaendelea na zoezi la uhakiki na uhuishaji wa vyeti vya usajili wa taasisi za dini zilizopo Kanda ya Kaskazini inayohusisha mikoa ya Kilimanjaro, Arusha, Tanga na Manyara kuanzia Desemba 12 hadi Desemba 19, 2022.
Kwa mujibu wa taarifa iliyotolewa leo Desemba 11, 2022 na Msajili wa Jumuiya za Kiraia, Wizara ya Ndani ya Nchi imefafanua kuwa, viongozi wa taasisi za dini wanapaswa kufika kwenye Kituo cha Uhakiki na Kuhuisha Vyeti vya Usajili wa taasisi zao kitakachokuwa katika Chuo cha Uhamiaji cha Kikanda (TRITA) kilichopo Moshi Mjini mkoani Kilimanjaro.
