NA MWANDISHI WETU
WAZIRI wa Ardhi Nyumba na Maendeleo ya Makazi, Mhe. Dkt.Angeline Mabula amewatakia Watanzania heri ya mwaka mpya 2023 na kuwataka kutumia mwaka huo kuchapa kazi kwa bidii ili kuliletea taifa maendeleo.
Dkt.Mabula alitumia maadhimisho ya mwaka mpya usiku wa kuamkia Januari Mosi,2023 nyumbani kwake jijini Dar es Salaam kwa kutoa rai kwa watanzania wote kuutumia mwaka wa 2023 kufanya kazi kwa bidii huku wakiwa na hofu ya Mungu."Rai yangu katika mwaka huu mpya wa 2023 ni mwaka wa sala na kazi, tukatende kazi tukiwa na hofu ya Mungu tukatumikie Watanzania taifa linatutegemea kila la kheri watanzania wote Mungu awabariki sana,"amesema Mheshimiwa Dkt. Mabula.