DAR ES SALAAM-Klabu ya Simba imekabidhi msaada kwa ajili ya waathirika wa mafuriko na maporomoko huko Hanang' mkoani Manyara.
Akipokea misaada hiyo,Waziri wa Utamaduni, Sanaa na Michezo, Mheshimiwa Dkt. Damas Ndumbaro aliishukuru klabu ya Simba kwa kutoa msaada huo.
Kwa upande wake Mwenyekiti wa Bodi ya Simba,Salum Abdallah alisema, "Kwa niaba ya Rais wa heshima Mohammed Dewji, bodi, uongozi, wapenzi na wanachama wa Simba tunapenda kutoa pole nyingi kwa wahanga wa mafuriko na maporomoko huko Hanang'.
"Wengi wa wahanga hawa ni wapenzi wa soka, na sisi kama klabu tunaungana nao kwenye kipindi hiki kigumu".
Tukio hilo lilihudhuriwa na Afisa Mtendaji Mkuu wa Simba, Imani Kajula na Katibu Mtendaji wa Baraza la Michezo (BMT), Neema Msika.