ZANZIBAR-Waziri wa Nchi, Ofisi ya Rais Fedha na Mipango, Dkt. Saada Mkuya Salum ameifungia Kampuni ya Fanikisha Limited kutoa huduma kunzia Februari 21, 2024 kutokana na kutoa huduma kinyume na sheria.
Ameyasema hayo wakati alipofanya ziara ya kushtukiza katika Kampuni ya Fanikisha Limited inayojishughulisha na Utoaji wa Huduma za Fedha huko Mpendae Wilaya ya Mjini.
Amesema,kampuni hiyo inatoa huduma bila kibali kutoka Wizara ya Nchi,Ofisi ya Rais Fedha na Mipango jambo ambalo ni kinyume na miongozo na taratibu na sheria iliyowekwa na Serikali.
Aidha, amesema Kampuni ya Fanikisha Limited inatoza kiwango cha riba ya mikopo cha asilimia 15 kwa mwezi badala ya kiwango cha asilimia 3.5 kilichowekwa na ofisi.
Hata hivyo, mikopo iliyokuwa inatolewa na Kampuni ya Fanikisha Limited ni mikopo ya kausha damu.
Katika ziara hiyo,Mhe. Dkt. Saada ameongozana na Kamishna wa Sera za Kodi na Fedha wa Ofisi ya Rais Fedha na Mipango Zanzibar,Haji A. Haji.