ZANZIBAR-Rais wa Zanzibar na Mwenyekiti wa Baraza la Mapinduzi, Mhe.Dkt.Hussein Ali Mwinyi leo Februari 20,2024 amekutana na Mkurugenzi Mtendaji wa Benki ya CRDB, Abdulmajid Nsekela na ujumbe wake Ikulu jijini Zanzibar.
Rais Dkt.Mwinyi amesema, Serikali itadumisha ushirikiano na mahusiano na benki ya CRDB.
Mkutano huo pia umehudhuriwa na Waziri wa Nchi Ofisi ya Rais, Fedha na Mipango Zanzibar, Mhe. Dkt. Saada Mkuya Salum na Wakurugenzi mbalimbali wa Serikali kutoka Wakala wa Serikali Mtandao Zanzibar, Mamlaka ya Viwanja vya Ndege Zanzibar na Taasisi ya Afisi ya Rais Ufuatiliaji na Usimamizi wa Utendaji Serikalini.