DODOMA-Deni la serikali limeongezeka kutoka Sh trilioni 71.31 kwa mwaka 2021 hadi Sh trilioni 82.25 kufikia Juni 30, 2023 sawa na ongezeko la asilimia 15.
Akiwasilisha ripoti ya utendaji kazi wa serikali na mashirika mbalimbali, Mdhibiti na Mkaguzi Mkuu wa Hesabu za Serikali (CAG), Charles Kichere amesema deni hilo linajumuisha deni la ndani ambalo ni Sh trilioni 28.92 na deni la nje Sh Trilioni 53.32.
