MARA-Jimbo la Musoma Vijijini linaloongozwa na Mbunge Mheshimiwa Prof. Sospeter Muhongo limebainisha utekelezaji wa Ilani ya Uchaguzi ya Chama Cha Mapinduzi (CCM) katika sekta ya elimu kwa kipindi cha 2020 hadi 2025 unavyoendelea.
Huku kukiwa na mageuzi makubwa ya kimaendeleo katika sekta hiyo.
Hatua hiyo inatokana na ushirikiano mzuri baina ya Wananchi jimboni humo na Mbunge wao Prof. Sospeter Muhongo pamoja na Serikali ya Awamu ya Sita katika kuimarisha sekta ya elimu jimboni humo kwa ufanisi mkubwa sana.
Prof. Muhongo amekuwa akiendelea na mikakati mbalimbali ya kuimarisha Sekta ya elimu akishirikisha wadau mbalimbali jimboni humo ili kulifanya Jimbo la Musoma Vijijini liwe na wasomi wengi mahiri wenye ujuzi katika kuchangia maendeleo ya nyanja mbalimbali hapa nchini.