NA DIRAMAKINI
OKTOBA 29,2025 kwa kauli moja tumeazimia kushiriki kikamilifu katika Uchaguzi Mkuu ili kutimiza haki yetu ya Kikatiba ya kuwachagua viongozi tunaowataka.
Sitanii,kupiga kura ni moja ya haki yako ya msingi katika demokrasia kama raia wa nchi yoyote inayotekeleza mfumo wa kidemokrasia.
Pia,kupiga kura ni njia ya kutilia mkazo sauti yako katika uchaguzi wa viongozi na maamuzi ya Serikali.
Kupitia uchaguzi huu, Zanzibar kwa sasa tunaye Dkt.Hussein Ali Mwinyi ambaye ni mgombea Urais kupitia Chama Cha Mapinduzi (CCM) na Rais wa sasa wa Zanzibar na Mwenyekiti wa Baraza la Mapinduzi.
Dkt.Mwinyi ni mmoja wa viongozi wa kipekee wa Zanzibar kutokana na mchango wake mkubwa ndani ya miaka mitano katika kuleta maendeleo, utulivu wa kisiasa na mshikamano wa kitaifa kote Pemba na Unguja.
Uongozi wake umejikita katika sera na miradi mbalimbali, ambazo zimebadilisha maisha ya wananchi kwa kiwango kikubwa na kuimarisha maendeleo ya visiwa vya Zanzibar.
Vilevile,Dkt.Mwinyi ameweka mkazo mkubwa katika kuendeleza amani na mshikamano miongoni mwa makundi mbalimbali ya jamii Zanzibar.
Amehimiza mazungumzo ya kidemokrasia na usuluhishi wa migogoro ya kisiasa kwa njia ya amani.
Hali hii ya utulivu imechangia mazingira mazuri ya kisiasa na kiuchumi ambayo yanarahisisha maendeleo endelevu.
Aidha,uongozi wa Dkt.Mwinyi umejikita katika kuimarisha huduma za kijamii na kukuza uchumi wa Zanzibar kwa njia endelevu.
Serikali imewekeza sana katika sekta za elimu, afya, miundombinu, kilimo, uvuvi na utalii ambazo ni misingi ya uchumi wa visiwa vya Zanzibar.
Pia, Serikali yake imeongeza upatikanaji wa elimu bora kwa kujenga shule mpya na kuhimiza matumizi ya teknolojia.
Aidha, kuna programu maalum za mafunzo ya ufundi stadi kwa vijana ili kuandaa soko la ajira na kukuza biashara ndogo ndogo kwa ustawi bora wa kijamii.
Ujenzi wa hospitali za kisasa katika mikoa mbalimbali umeongeza huduma bora za afya, ikiwemo upatikanaji wa huduma za mama na mtoto, upasuaji na huduma za dharura, na miradi ya afya vijijini imeboresha maisha ya wananchi wa pembezoni.
Miradi ya barabara, usambazaji wa umeme hasa kupitia nishati ya jua na upatikanaji wa maji safi imeongeza ufanisi wa maisha ya kila siku na kuimarisha biashara na kilimo.
Sekta ya utalii imeendelezwa kwa kuimarisha miundombinu, kuleta usalama na kukuza vivutio vya utalii, jambo linalochangia moja kwa moja mapato ya taifa na ajira kwa wananchi.
Maisha ya wananchi yameboreshwa kwa upatikanaji wa huduma bora za elimu na afya.
Fursa za ajira zimeongezeka kupitia miradi ya maendeleo na uwezeshaji wa vikundi mbalimbali.
Uchumi wa vijijini umeimarika kwa kuongezeka kwa uzalishaji wa kilimo na biashara ndogo ndogo.
Mazingira ya amani na mshikamano miongoni mwa jamii yameimarika, na hivyo kutoa uhakika wa usalama na maendeleo endelevu.
Ikumbukwe kuwa,Dkt.Mwinyi anaongoza kwa mtazamo wa kisasa unaozingatia ushirikiano wa kimataifa hususani katika Jumuiya ya Afrika Mashariki na ushirikiano wa kibiashara wa kimataifa.
Uongozi wake unalenga kuweka Zanzibar katika ramani ya maendeleo ya kiuchumi na kijamii kwa kuimarisha uhusiano na nchi nyingine na kuvutia wawekezaji.
Dkt.Mwinyi anaendelea kuandaa mikakati madhubuti kwa ajili ya mustakabali wa Zanzibar, ambayo inalenga kuimarisha maendeleo endelevu na kuhakikisha ustawi wa wananchi.
Baadhi ya mikakati hii ni kuongeza uzalishaji wa chakula kwa kutumia teknolojia za kisasa ili kukabiliana na changamoto za mabadiliko ya tabianchi na kuongeza mapato ya wakulima na wavuvi.
Pia,kuendelea na ujenzi wa barabara kuu, madaraja na usambazaji wa maji safi na umeme kwa maeneo yote hasa vijijini ili kuondoa kero za msingi zinazowakabili wananchi.
Aidha, Serikali yake inajikita katika kuhifadhi mazingira na utamaduni wa Zanzibar sambamba na kukuza vivutio vya utalii ili kuendeleza mapato na ajira katika sekta hii muhimu.
Nyingine ni kuongeza upatikanaji wa huduma za afya ya kitaifa na elimu bora, ikiwa ni pamoja na mafunzo ya ufundi na sayansi ili kuwezesha vijana kujiandaa kwa ajira za sasa na za baadaye.
Vilevile kuendeleza mikopo na mafunzo kwa vikundi vya wanawake, vijana na watu wenye ulemavu ili kuongeza ushiriki wao katika shughuli za kiuchumi na kuleta usawa wa kijamii.
Sambamba na kuendelea kukuza mazingira ya amani na mshikamano wa kitaifa kupitia mazungumzo kwa ustawi bora wa jamii na Taifa kwa ujumla.
Kwa mikakati hii ya maendeleo, Dkt.Hussein Ali Mwinyi amedhamiria kuhakikisha Zanzibar inaendelea kuwa mahali pa amani, maendeleo na fursa kwa kila mwananchi.
Uongozi wake unalenga kuwawezesha wananchi kustawisha maisha yao na kuweka msingi wa Zanzibar yenye mustakabali mzuri zaidi kwa kizazi cha sasa na kijacho. Alama ya tiki kwa Dkt.Mwinyi siku ya uchaguzi inaashiria kumuongezea mwendo wa kukoleza kasi ya maendeleo Zanzibar,twende tukatiki.