NA MWANDISHI DIRAMAKINI
Mkuu wa Mkoa wa Simiyu, Mheshimiwa David Kafulila ameagiza kusimamishwa kazi kwa Afisa Ushirika Wilaya ya Maswa, Bw. Daud Makoye kwa tuhuma za ubadhirifu wa shilingi milioni 62 zinazohusisha AMCOS 17.
Ni baada ya kubaini kwamba ufisadi huo ulihusisha Afisa ushirika huyo na kuelekeza Taasisi ya Kuzuia na Kupambana na Rushwa (TAKUKURU) inakamilisha uchunguzi haraka na kumfikisha mahakamani.
Mhe. Kafulila amechukua hatua hiyo kutokana na taarifa za awali kuonesha kwamba viongozi wa AMCOS Maswa walikuwa wanatoa pesa benki na kumkabidhi afisa Ushirika huyo Bw. Makoye ili akalipe kwa mamlaka zingine kama Bodi ya Pamba, Tume ya Ushirika na SIMCU.
RC Kafulila ametoa uamuzi huo leo Novemba 10, 2021 wakati anahutubia Baraza la Madiwani Wilaya ya Maswa.